Arrestime e gjoba, ç’ndodhi në Durrës gjatë 24 orëve të fundit, policia e ashpër me shoferët

Policia e Shtetit është duke vijuar operacionin “Roadpol gusht 2020” për ndëshkimin e të gjithë shoferëve që drejtojnë mjetet e tyre duke mos zbatuar rregullat e qarkullimit rrugor.

Referuar njoftimit të policisë behet e ditur se gjatë 20 ditëve të muajit gusht janë arrestuar në flagrancë 15 shtetas të cilët drejtonin mjetin pa leje drejtimi ose nën efektin e alkoolit dhe 4 të tjerë për veprën penale shkelja e rregullave të qarkullimit rrugor.

Po ashtu gjatë 24 orëve të fundit janë arrestuar në flagrancë 6 drejtues mjeti, pasi u kapën duke drejtuar motomjetin pa leje drejtimi, si dhe është proceduar në gjendje të lirë një tjetër.

Më poshtë në njoftim do të gjeni edhe masat administrative të marra nga policia në qarkun e Durrësit.

Njoftimi i plotë:

Vijon Plani-Operacional “ROADPOL GUSHT 2020”.

Shërbimet e Qarkullimit Rrugor në Drejtorinë Vendore të Policisë Durrës, kanë ushtuar kontrolle të shumta në të gjitha akset rrugore jo vetëm për menaxhimin e trafikut por dhe për evidentimin dhe ndëshkimin ndaj drejtuesve të cilët drejtojnë mjetet pa leje drejtimi, nën efektin e alkoolit, parakalimet e gabuara dhe për shpejtësinë mbi normat e lejuara.

Gjatë 20 ditëve të muajit Gusht janë arrestuar në flagrancë 15 shtetas të cilët drejtonin mjetin pa leje drejtimi ose nën efektin e alkoolit dhe 4 të tjerë për veprën penale shkelja e rregullave të qarkullimit rrugor.

Vetëm gjatë 24 orëve të fundit janë arrestuar në flagrancë 6 drejtues mjeti si dhe është proceduar në gjëndje të lirë një tjetër.

Në vijim të veprimeve u arrestuan në flagrancë shtetasit: A.T., S. S., A. Xh., M. F., A. T., dhe A. T., pasi u konstatuan nga shërbimet e Policisë duke drejtuar motomjetin pa leje drejtimi dhe është proceduar në gjendje të lirë shtetasi N. M.

Në të gjithë qarkun e Durrësit, gjatë 20 ditëve të muajit Gusht janë vendosur 798 masa për përdorim të celularit gjatë drejtimit të mjetit,

111 masa për mosvendosje të rripit të sigurimit,

77 masa për mosvendosje të kaskës mbrojtëse,

965 masa për parkime të gabuara dhe shkelje të tjera të Kodit Rrugor.

Janë pezulluar 146 Leje Drejtimi nga këto: 129 për shpejtësi tej normave të lejuara të konstatuar me Radar dhe 17 për mos mbajtje krahu dhe parakalime të gabuara .
Policia Rrugore Durrës apelon për të gjithë drejtuesit e mjeteve por dhe për këmbësorët për respektim të rregullave të qarkullimit rrugor.

#KujdesiTeRuanTyDheTeTjeret

#PoliciaAleatiYtPerSiguri

#BashkepunoEdheTi

/Tpz

NDANI KËTË POSTIM

Mund tju interesojne