Bahrejni bëri një kërkesë zyrtare për të hapur ambasadë në Izrael.
Ministri i Punëve të Jashtme të Bahrejnit, Abdullatif bin Rashid ez-Zeyyani, i cili shkoi për një vizite zyrtare në Izrael u takua me homologun izraelit, Gabi Ashkenazi.
Pas takimit të zhvilluar në Ministrinë e Punëve të Jashtme, Zeyyani dhe Ashkenazi dolën në një konferencë të përbashkët shtypi.
Zeyyani deklaroi se ai i paraqiti kërkesën zyrtare të vendit të tij Ashkenazit për të hapur një ambasadë në Izrael.
Ministri i Bahrejnit bëri të ditur se edhe kërkesa zyrtare e Izrael për të hapur ambasadë në Manama, kryeqytetin e Bahrejnit është pranuar dhe ky hap do të japë kontribut në zhvillimin e marrëdhënieve ndërmjet dy vendeve.
Zeyyani pasi të pritet në takim nga Presidenti i Izraelit, Reuven Rivlin do të takohet me Kryeministrin, Binyamin Netanyahu.
Pas këtyre takimeve, ministri i Punëve të Jashtme të Bahrejnit, Abdullatif bin Rashid ez-Zeyyani do të marrë pjesë në takimin tresh Izrael, SHBA dhe Bahrejn, ku do të marrë pjesë edhe Sekretari amerikan i Shtetit, Mike Pompeo.
Ndërmjet Izraelit dhe Bahrejnit më 15 shtator me një ceremoni të zhvilluar në Shtëpinë e Bardhë u nënshkrua marrëveshja për normalizimin e marrëdhënieve ndërmjet dy vendeve./trt
