Bashkia e Elbasanit ka miratuar një leje për ndërtimin e një tregu të ri ushqimor, në pronësi të babait të Suel Çelës, një emër i njohur për përfshirjen në aktivitete kriminale dhe hetime nga autoritetet ligjzbatuese. Vendimi ka shkaktuar reagime të shumta, duke ngritur pikëpyetje mbi procesin e miratimit dhe lidhjet e mundshme mes institucioneve dhe personave me precedentë penalë.
Suel Çela, i cili ka qenë disa herë në qendër të vëmendjes për lidhjet me krimin e organizuar, vijon të jetë në kërkim nga autoritetet, ndërsa familja e tij tashmë ka siguruar një tjetër projekt të rëndësishëm në qytet. Ky zhvillim pritet të sjellë reagime të mëtejshme, ndërsa qytetarët dhe shoqëria civile kërkojnë transparencë dhe llogaridhënie për këtë vendim./gazetaimpakt
