Luan Kaloçi, prokuror i Apelit të Tiranës prej vitit 2002 është përballur ditën e sotme në seancë dëgjimore me Komisionin e Pavarur të Kualifikimit.
Trupa gjykuese e përberë nga Xhensila Pine, Valbona Sanxhaktari dhe Etleda Çiftja ka deklaruar duke i’u referuar edhe raporteve të ILDKPI se, prokurori ka bërë deklarim të rremë pasurie.
Sipas KPK, vlerat e deklaruara për pasuritë e tij nuk përputheshin me njëra-tjetrën dhe ndryshonin nga një deklaratë në tjetrën.
Konkretisht, dyshimet u ngritën lidhur me deklarimet për apartamentin prej 145 m/2 në Tiranë. Fillimisht ai kishte deklaruar se kishte blerë 19 milionë lekë, më pas 52 mijë euro. Sa i takon burimeve financiare, ai kishte deklaruar se paratë i kishte siguruar nga shitjen e banesës tjetër në Elbasan dhe më pas duke i fituar nga një lotari bastesh disa vite më parë.
Po ashtu, prokurori nuk ka deklaruar edhe 3 llogari bankare dhe një makinë që kishte blerë e bija.
Ai u mbrojt në këtë seancë nga avokati Ardian Visha, ndërsa deri tani KPK konstaton se prokurori ka fshehur pasurinë dhe është drejt shkarkimit.
