Shqiperia Sociale

Çfarë duhet të bëjnë shitësit e ushqimeve për të mos përhapur koronavirusin tek klientët?

Punonjësit e ushqimoreve rrezikojnë të ndosin dhe infektojnë produktet në rast se nuk mbajnë higjienë personale dhe standardet higjienike për dyqanin apo vendin shitjes.

Nëse nuk tregohet kujdes në mjedisin ku shiten, ushqimet mund të infektohen në sipërfaqe përmes kollitjes, tështitjes e më pas prekjes së tyre me dorë.

Organizata Botërore e Shëndetësisë (OBSH) rekomandon ndjekjen e disa masave për të ulur mundësitë e përballjes dhe përhapjes së një sërë sëmundjesh, përfshirë infeksionin me Covid-19:

— Higjienën e duhur të duarve;

— Praktikat e higjienës ndaj kollës/të ftohurit;

— Praktikat për ushqime të sigurta;

— Ruajtja e distancës prej mbi një metër, kur është e mundur, ndaj personave që shfaqin simptoma si kollë, tështimë dhe vështirësi në frymëmarrje.

Punëtorët e dyqaneve ushqimore duhet të lajnë duart:

— Përpara se të fillojnë punën;

— Përpara shërbimit të ushqimit të gatuar ose të gatshëm për tu ngrënë;

— Pas trajtimit ose përgatitjes së ushqimeve të gjalla (taze);

— Pasi të kenë hedhur mbeturinat;

— Pasi të kenë përfunduar pastrimin;

— Pas përfundimit të nevojave në tualet;

— Pasi të kenë shfryrë hundët, tështirë ose kollitur;

— Pasi të kenë ngrënë, pirë ose tymosur;

— Pasi të keni prekur para.

Sipërmarrësit e bizneseve ushqimore duhet të sigurojnë që stafi është i vetëdijshëm për situatën e koronavirusit dhe ndjekjen e këshillave që jep OBSH.

Megjithatë, sipërmarrësit duhet të kujtojnë se sipas ligjit për ushqimet, ata janë subjektet kryesor që janë përgjegjës për mbajtjen e higjienës së ushqimeve dhe të gjitha kushteve të tjera.

Në përgjithësi ata duhet të:

— Sigurohen se stafi është i trajnuar posacërisht për higjenën e ushqimeve;

— Sigurojnë supervizim të stafit për përforcimin dhe praktikimin e higjenës;

— Sigurojnë hapësira të mjaftueshme për tualete, larje duarsh dhe mundësimin e të gjitha praktikave për higjenë sa më të mirë;

— Sigurojë se stafi dhe palët e kontraktuara të raportojnë nëse kanë patur shenja/simptoma përpara punës ose gjatë punës;

— Jenë vigjilent dhe të sigurohen se asnjë nga stafi nuk është sëmurë dhe se janë të aftë për të punuar./Exit

OPINIONE

INTERVISTA