Spiuni Mordechai Vanunu, i cili në vitin 1986 ekspozoi programin e armëve bërthamore të Izraelit dhe bëri 18 vjet burg për zbulimet e tij, është dënuar përsëri, këtë herë për shkelje të kushteve të lirimit të tij.
Vanunu, një ish-teknik në Qendrën e Kërkimit Bërthamor të Negevit në Izrael, zbuloi për mediat në vitin 1986 se vendi po zhvillonte armë bërthamore – një zbulim që kombi i egër i Lindjes së Mesme e hodhi poshtë dhe vazhdon ta mohojë edhe sot, pavarësisht nga provat e pakundërshtueshme dhe dënimit të përhapur global, sipas Jerusalem Post.
Spiuni u quajt tradhtar dhe u dënua me 18 vjet burg për zbulesën.
Vanunu u lirua në vitin 2004, por u ndalua të udhëtonte jashtë vendit. Ai gjithashtu duhet të kërkonte miratimin e qeverisë para se të fliste me jo-izraelitët.
Në një intervistë televizive në vitin 2015, Vanunu detajoi motivimin e tij për marrjen e frenave të një informatori, duke deklaruar se ai donte “të informonte qytetarët e Lindjes së Mesme, botën, dhe shtetin e Izraelit” rreth programit të armëve. Ai vuri në dukje “rrezikun” e Izraelit që ka armë bërthamore, si dhe mbajtjen sekret të kësaj nga aleatët e vet dhe pjesa tjetër e botës.
Pas një takimi të kohëve të fundit me të huaj të pa zbuluar – një shkelje e kushteve të lirimit të tij – Vanunu u dënua nga gjykata magjistrale në Jeruzalem për dy muaj burgim shtesë, nëse gjatë tre viteve të ardhshme ai flet pa leje me këdo që nuk është shtetas izraelit.
Duke pohuar se informatori ka më shumë sekrete për të zbuluar, gjykata gjithashtu e ka dënuar atë me 120 ditë shërbime në komunitet, sipas Jpost.com.
Vanunu ka pohuar në mënyrë të përsëritur se ai nuk paraqet asnjë rrezik sigurie për Izraelin, dhe ka deklaruar se dëshiron të largohet nga vendi.
Në kanalet zyrtare diplomatike, Izraeli as nuk konfirmon dhe as nuk mohon nëse është në posedim të armëve bërthamore. / © Gazeta Impakt
