Natën midis 31 dhjetorit 2023 dhe 1 janarit 2024, Emanuele Pozzolo shkoi në një festë në Rosazza, në provincën e Biella-s, ku gjithashtu edhe nënsekretari Andrea Delmastro po festonte ditëlindjen e motrës së tij.
Deputeti i FdI-së nuk kishte marrë pjesë në festë por kishte shkuar vetëm për t’i uruar. Me të ka qenë edhe një burrë i eskortës së tij, një i ri 31-vjeçar i cili ka mbetur i plagosur lehtë nga të shtënat me armë zjarri.
Sipas një rindërtimi fillestar të dinamikës së aksidentit, duket se Pozzolo e pranoi fajin gjatë marrjes në pyetje të kryer nga karabinierët.
Sipas një versioni tjetër të ngjarjes, megjithatë, të raportuar nga Il Giornale, arma ishte në një xhep të xhaketës së deputetit. Prej aty ka rënë në tokë dhe në atë moment 31-vjeçari dyshohet se i ka kërkuar deputetit t’ia tregonte. Dhe u qëllua aksidentalisht nga gjuajtja me armë.
Fatmirësisht, siç e kemi theksuar më lart, 31-vjeçari i goditur nga plumbi ka pësuar vetëm lëndime të lehta. Prognoza e tij është vetëm për disa ditë dhe kështu që nuk ka asgjë serioze.
Por kush është Emanuele Pozzolo? Ai ka lindur në Vercelli më 25 gusht 1985 dhe aktualisht është 38 vjeç. Ka mbaruar shkollën e mesme klasike dhe është diplomuar për drejtësi dhe me profesion është konsulent juridik.
Ai filloi angazhimin e tij politik në vitin 2002 në radhët e Azione Giovani, një lëvizje rinore e Aleancës Kombëtare. Në vitin 2004 ai kandidoi për Vercelli me Ligën e Veriut dhe u zgjodh në këshillin e qytetit.
Në vitin 2012 ai u bë zëdhënës i “Fratelli d’Italia” për provincën e Vercellit dhe në vitin 2019, nën drejtimin e kryebashkiakut Andrea Corsaro, u emërua këshilltar për politikat rinore në komunën e Vercelli.
Pas viteve të angazhimit në politikën bashkiake, Pozzolo kaloi në politikën kombëtare. Në vitin 2022, vit i zgjedhjeve të fundit politike, ai u zgjodh në Dhomën e Deputetëve në njësinë zgjedhore shumëanëtare të Piemonte 2 dhe u bë pjesë e komisionit për Punët e Jashtme dhe Komunitetet.
Dhe është në këtë cilësi, ai merret me kohë të plotë me Iranin, duke mbështetur dhe promovuar grupin Muxhahedin të Popullit Iranian (Muxhahedinë- e Khalq) i cili është konsideruar si një grup terrorist për vite me rradhë.
Lëvizja e udhëhequr nga Marjam Rajavi, “Moxhahedinët e Popullit Iranian”, është një nga partitë kryesore politike që kundërshton regjimin teokratik në Teheran. Historikisht i afërt me islamo-marksizmin dhe socialdemokracinë, grupi i Rajavit konsiderohej gjithashtu një organizatë terroriste nga Bashkimi Evropian për vite me radhë.
Në mars 2023, senatori Giulio Maria Terzi dhe i nderuari Emanuele Pozzolo shkuan në Shqipëri për takimin ndërkombëtar të Muxhahedinëve të Popullit iranian dhe me atë rast të dy publikuan në rrjetet sociale foto të ngjarjes.
Në foto shihen qartë femrat të veshura të gjitha njësoj dhe të gjitha me shami. Por protestat në Iran a nuk kanë lindur pikërisht nga nevoja e grave për të mos veshur ferexhenë? Dhe pse kundërshtarët e qeverisë iraniane, sot e lavdëruar kaq shumë nga Perëndimi dhe nga “Fratelli d’Italia”, imponuan të njëjtën veshje për gratë dhe të gjitha e veshën atë?/ GazetaImpakt/ ReportSardegna24
