Prokuroria për Krime të Rënda “shkrin” Stacionin e Policisë së Portit Durrës.
Burime të rezervuara shprehën se të paktën 10 punonjës policie, përfshire edhe Shefin e Stacionit policor të Portit janë arrestuar, në vijim të hetimit të nisur pas kapjes së një kamioni me 8 tonë drogë në Itali.
Burimet thonë se janë arrestuar edhe disa doganierë, të dyshuar se kanë krijuar mundësitë për kalimin e kamionit në drejtim të Italisë.
Ky operacion duket se ka qenë edhe qëllimi i vizitës urgjente të premten në Prokurorinë e Durrësit të Prokurorit të Përgjithshëm, Adriatik Llalla, i cili shoqërohej nga kreu i Prokurorisë për Krime të Rënda, Besim Hajdarmataj. Operacioni për arrestimin e tyre është zhvilluar gjatë pasdites së të dielës.
