Naftëtarët e Ballshit kanë hyrë në ditën e shtatë të grevës së tyre të urisë.
Edhe pse gjendja e tyre shëndetësore sa vjen dhe përkeqësohet, ata shprehen se nuk do heqin dorë nga greva që kanë nisur.
Familjarët e tyre kanë thënë për ‘Fax News’ se dhe pse janë në gjendje të mjerueshme nuk do të tërhiqen. Ata shtojnë se nuk kanë marrë asnjë përgjigje nga institucionet përkatëse.
“Jemi 900 familje pa bukë këtu në Ballsh. Jemi në gjendje të keqe, nuk po na japin zgjidhje”,– thonë ata./faxnews
