Bota

“Dita e të Dashuruarve” bashkon Putinin, Erdoganin dhe Rohanin

Liderët e Rusisë, Iranit dhe Turqisë pritet të takohen në Sochi të Rusisë më 14 shkurt për të diskutuar situatën në Siri. Lajmi është njoftuar nga mediat shtetërore ruse dhe ato turke.

Transmetuesi rus, NTV ka thënë se liderët do të diskutojnë për situatën në të ashtuquajturat zona të de-eskalimit afër rajonit Idlib në Siri, si dhe për tërheqjen e paralajmëruar të trupave amerikane nga shteti i shkatërruar nga lufta.

Të tre shtetet kanë thënë se synojnë të arrijnë një zgjidhje politike, për t’i dhënë fund luftës civile shtatëvjeçare në Siri.

Moska dhe Teherani mbështesin presidentin sirian, Bashar al-Assad derisa Turqia dhe Shtetet e Bashkuara u qëndrojnë mbrapa grupeve të ndryshme rebele.

Forcat amerikane pritet të largohen nga Siria, ndonëse aty kanë punuar ngushtë me kurdët e Njësiteve për Mbrojtjen e Popullit (YPG) organizatë, të cilën Turqia e konsideron të lidhur me grupe terroriste.

OPINIONE

INTERVISTA