Rexhep Taip Erdogan, president I Turqisë edhe një herë ka sulmuar Amerikën dhe Evropën duke i akuzuar ata se mbështesin terrorizmin. Preisdenti Erdogan ka përmendur mbështetjen e Amerikës dhe Evropës për kurdët e PKK dhe të partisë IPG.
Siç theksoi në fjalimin e tij presidenti i Turqisë, Amerika ka dërguar 3500 kampionë me armatime për grupet e armatosura në Siri ndërsa vendet evropiane si Franca dhe Gjermania kanë mbështetur organizimin e protestave të terroristëve në vendet e tyre. Presidenti turk Rexhep Taip Erdogan sulmoi sërish Shtetet e Bashkuara, duke i kritikuar për mbështetjen e luftëtarëve kurdë në Siri, e një seri tjetër çështjesh problematike mes dy vendeve. Erdogan akuzoi Uashingtonin se po i jep armë falas një organizate terroriste, duke iu referuar “YPG”-së, një prej aleatëve kyç të SHBA-ve. SHBA dhe Turqia po përballen ashpër prej një jave, pas arrestimit të një nëpunësi të Konsullatës amerikane në Turqi. Gjatë një fjalimi në kryeqytetin Ankara, Erdogan akuzoi SHBA-të se kanë dërguar 3.500 kamionë me armë në Siri të cilat po përdoren nga “YPG”-të për të rrethuar Turqinë. “Kush thotë se korridori i terrorit që SHBA-të po tentojnë të formojë në kufirin tonë jugor është për të luftuar ISIS-in? A mund të ketë diçka të tillë? Kjo është një gënjeshtër, sepse korridori synon të rrethojë Turqinë”, tha Rexhep Taip Erdogan. Presidenti turk Rexhep Taip Erdogan sulmoi Shtetet e Bashkuara dhe Bashkimin Evropian për mbështetjen e tyre për militantët e Partisë së jashtëligjshme të Punëtorëve të Kurdistanit (PKK), duke thënë se ata nuk janë “me Turqinë” në luftën kundër terrorizmit. “Ata thonë se po qëndrojnë me ne në luftën kundër terrorizmit kur i takojmë në mënyrë bilaterale. Por ne nuk e besojmë këtë. Ju nuk jeni me ne. Nëse do të ishit me ne, nuk do t’i mbronit ata me forcat tuaja policore, “tha Erdogan. Presidenti turk e bëri këtë deklaratë pasi Forcat Demokratike Siriane të mbështetura nga SHBA zbuluan një poster të madh të udhëheqësit të PKK, Abdullah Ocalan, i burgosur në Turqi, në qendër të qytetit sirian Raka pas çlirimit të qytetit nga grupi terrorist ISIS. Presidenti turk denoncoi shfaqjen e portreteve të liderit të PKK dhe tha: “Ata (kurdët sirianë) i varën posterat e terroristit më të lartë në Raka. Si do ta shpjegojë SHBA-ja këtë veprim? ” “SHBA thotë se PKK është një organizatë terroriste. Vendet e BE thonë gjithashtu se PKK është terroriste. Por ata varën një poster të terroristit kryesor në një ndërtesë në Francë gjatë një transmetimi të drejtpërdrejtë në stacionin e tyre televiziv shtetëror dhe policia vetëm vëzhgoi. Si do ta shpjegojnë atë? A është ky veprim solidaritet në luftën kundër terrorizmit? “, Tha Erdogan. Nga ana e tij, kryeministri turk Binali Jildirim, kritikoi mbështetjen e SHBA për forcat kurde siriane dhe tha se Uashingtoni “po kompromenton të ardhmen e Turqisë dhe Sirisë” përmes bashkëpunimit me militantët kurdë sirianë. “Shfaqja e portretit të kreut të PKK në Raka e dëmton jashtëzakonisht aleancën SHBA-Turqi. Me këtë qëndrim, SHBA nuk është vetëm në bashkëpunim me një grup terrorist, por gjithashtu komprometon të ardhmen e Turqisë dhe Sirisë, “tha Jıldırım./ PT
