Gazetarja, Alba Kepi në një intervistë në Ora News dha detaje se si funksiononte dhe se si ra në gjurmët e policisë grupi që u godit nga autoritetet italiane dhe shqiptare.
Kepi: Një operacion që ka zbardhur një aktivitet kriminal të mafias shqiptare shtrirë jo vetëm në Itali por edhe në Europën Veriore dhe me lidhje me Amerikën e Jugut por me bazë në Durrës.
Pra vepronte në aftësinë e menaxhimit të sasive të mëdha të kokainës dhe heroinës.
Heroina vintë nga Turqia, ndërsa kokaina nga Amerika e Jugut.
Me një aktivitet të nisur që prej 2016 por ky operacion hetimet i ka nisur që në 2021.
Ka qenë prokuroria e antimafias së Barit e cila ka hapur këtë proces hetimor pas disa episodesh dhe hetimeve të kryqëzuara që sollën edhe hapjen e këtij procesi për një grup kriminal të tipit mafioz i cili kishte bazën në Durrës.
Pra kanë qenë disa episode të lidhura me sekuestrimin e një sasie të madhe kokaine.
Kanë qenë rreth 932 kg kokainë me një vlerë tregu mbi 186 milionë euro./syri
