Ulsi Manja, ka reaguar ashpër në rrjetet sociale lidhur me protestat e fundit, duke përdorur një gjuhë të fortë ndaj një pjese të pjesëmarrësve, përfshirë gra me shami.
Në postimin e tij, Manja deklaron se nuk është kundër protestuesve, por kundër “përfituesve”, të cilët sipas tij manipulojnë kauzat qytetare për interesa të caktuara. Ai i përshkruan këta individë si të ndikuar nga faktorë të jashtëm dhe si përhapës të urrejtjes.
Deklaratat e tij kanë ngjallur reagime në publik, duke hapur debat mbi gjuhën e përdorur ndaj protestuesve dhe mënyrën e adresimit të grupeve të ndryshme në protestat qytetare.
Ulsi Manja
Mos u merr me protestuesit…
Jo, asnjëherë me protestuesit, po me përfituesit patjetër 🤡
Përfitues të turlillojshëm, shqiptarë pa din e as iman, shpirtra të korruptuar nga motive të dobëta, patriotë të shtirur, aktivistë të shtirur, besimtarë të shtirur, që në teatrin e maskave të bulevardit i ka nxjerrë paraja e huaj, këneta e vendit apo të dyja bashkë, e kthyen protestën e nisur për natyrën në një ujdhesë zvarranikësh që lëvrijnë mes të rejave e të rinjve të mbetur, duke i lëpirë e pickuar njëkohësisht dhe duke shpërndarë në çdo drejtim helmin e një urrejtjeje ndotëse për Shqipërinë🐊🕷️🐜🦂🐍🕸️🪳
Shikojini vetë dy fotot. Është i njëjti personazh i ardhur me karvanin e “diasporës” së shtirur, që në emër të Allahut predikon urrejtje, thërret për kryengritje ndaj qeverisë së Shqipërisë, kërkon hakmarrje ndaj Amerikës për vëllaun e vrarë, kasapin e regjimit të Teheranit, gjeneralin famëkeq Kasem Sulejmani. Dhe po, personazhi në krah të saj është Ahmedinegjadi dora vetë, kryeshërbëtori famëkeq i ajatollahëve të errësirës👺
