Houthitë e mbështetur nga Irani në Jemen njoftuan se SHBA-ja dhe Britania e Madhe kryen sulme ajrore në qytetin Sada në veriperëndim të vendit. Sipas lajmit në agjencinë SABA të lidhur me grupin Houthi, avionët luftarakë të SHBA-së dhe Britanisë së Madhe kryen 3 sulme ajrore në lindje të Sadas.
Sada, që ndodhet në veriperëndim të Jemenit në kufirin me Arabinë Saudite, njihet si “kalaja” e Houthive.
Në deklaratën e bërë nga Komanda Qendrore e SHBA-së, bëhet e ditur se është kryer një sulm ndaj mjeteve të ngarkuara me eksploziv, në zonat e kontrolluara nga Houthitë./AA
