Rajoni

Hoxha i nderuar Shefqet Krasniqi u kthehet ligjëratave në Xhaminë e Madhe

Imam Shefqet Krasniqi adresses Kosovo Muslims after conducting a Friday prayer, as a protest demanding space for new mosque in capital Pristina, Friday , Sept. 2, 2011. Some two thousand Muslim faithful protested in the capital Pristina, saying the rights of the country's Muslim majority are being breached by the country's secular authorities. Tensions have also risen after Kosovo's 120-seat assembly voted against a law on Monday allowing Muslim headscarves to be worn and religion to be taught in public schools. Kosovo is secular, but a majority of its people are ethnic Albanians who are mostly Muslim. A small minority are Roman Catholic. ( AP Photo / Visar Kryeziu )

Pas 4 vitesh e gjysmë, imami Shefqet Krasniqi do t’i kthehet ligjërimit në Xhaminë e Madhe në Prishtinë.

Këtë e ka konfirmua vetë Shefqet Krasniqi. E mërkura do të jetë dita e parë e ligjërimit të mulla Shefqetit në Xhaminë  “Mehmet Fatih” të kryeqytetit.

“Po do t’i rikthehem ligjërimit, pas 4 vite e gjysmë”, tha Krasniqi.

Ai shpjegoi se ka bërë kërkesë në Këshillin e Bashkësisë Islame në Prishtinë për t’u rikthyer dhe se Këshilli i BIK e ka miratuar kërkesën e tij.

“Këshilli i Bashkësisë Islame në Prishtinë e ka aprovuar kërkesën time. Ndërsa këtë e ka miratuar edhe myftiu Naim Tërrnava”, theksoi për kallxo imami Shefqet Krasniqi.

Shefqet Krasniqi tha se në Xhaminë e Madhe do të ligjërojë një herë në javë, siç ka ligjëruar më herët.

Katër vjet e gjysmë më parë, imamit Shefqet Krasniqi i ishte ndaluar ligjërimi në Xhaminë e Madhe, pasi që ai do të duhej të përballej në Gjykatë me akuzat e ngritura ndaj tij.

Në tetor të këtij viti, Gjykata e Apelit e ka vërtetuar vendimin e Gjykatës Themelore të Prishtinës me të cilin ish-imami i Xhamisë së Madhe në Prishtinë, Shefqet Krasniqi, ishte shpallur i pafajshëm në akuzat për nxitje të urrejtjes, shtytje për terrorizëm dhe shmangie nga tatimi.

I pyetur se a ka më ndonjë rast të hapur në gjykatë, ai tha se ka përfunduar proceset me gjyqësorin.

OPINIONE