Një letër zyrtare e Këshillit të Bashkësisë Islame të Prizrenit, e drejtuar kryetarit të Komunës, Shaqir Totaj, ka hapur një debat të nxehtë rreth organizimit të tubimeve fetare pa leje paraprake dhe ndikimeve ligjëruese nga jashtë vendit. Në dokumentin e siguruar, KBI Prizren kërkon zyrtarisht anulimin e një tribune të paralajmëruar ku ishte ftuar të ligjëronte ligjëruesi nga Bosnja dhe Hercegovina, Dr. Elvedin Peziç, duke việnuar ankesat e xhematit lokal dhe mungesën e autorizimeve përkatëse.
Bashkësia Islame e Republikës së Kosovës
KËSHILLI I BASHKËSISË ISLAME
Islamska Zajednica Republike Kosova
ODBOR ISLAMSKE ZAJEDNICE
Kosova Cumhuriyeti İslam Birliği
İSLAM BİRLİĞİ KURULU
P R I Z R E N
Nr./Br./No. 479/26 Datë 19…
Kryetarit të Komunës së Prizrenit
Z. Shaqir Totaj
Lënda: Kërkesë për parandalimin e tubimit fetar të paralajmëruar në fshatin Reçanë, KK Prizren, më datë 14.08.2026, ku ligjërues i tribunës është Dr. Elvedin Peziç
I nderuari Kryetar,
Nëpërmjet kësaj shkrese po kërkojmë parandalimin dhe anulimin e mbajtjes së tubimit fetar – tribunës, e cila sipas lajmërimeve në internet do të mbahet më datë 14.08.2026, në fshatin Reçanë, Komuna e Prizrenit.
Gjatë këtyre ditëve, kemi pranuar shumë kërkesa dhe ankesa nga xhemati i fshatit dhe Komunës së Prizrenit, ku apelojnë për anulimin e këtij tubimi, pasiqë ligjëruesi në fjalë nuk është nga Kosova, dhe sipas tyre është një imam kontravers dhe me prirje ideologjike ekstremiste të manifestuar në vendin e tij.
Poashtu ju njoftojmë se organizatorët e tubimit nuk kanë leje nga KBI-Prizren, e as që kanë kërkuar.
Me këtë rast, po ju bëjmë këtë kërkesë si më lartë, me shpresë se do ta merrni në konsideratë.
Ju faleminderit shumë për bashkëpunimin e juaj!
Kryetari
Valon ef. Ibrahimi
