Rajoni

I ftuar nga Specialja, Ali Ahmeti përfundon dëshminë e tij në Prishtinë

Kreu i Bashkimit Demokratik për Integrim në Maqedoninë e Veriut, Ali Ahmeti e ka përfunduar intervistimin nga Prokurorët e Gjykatës Speciale në Prishtinë.

Pas intervistës së djeshme 8-orëshe, Ahmeti është intervistuar edhe 6 orë të tjera gjatë ditës së sotme.

Raportohet se Ahmeti në Gjykatën Speciale është ftuar në cilësinë e dëshmitarit për periudhën e luftës në Kosovë 1998-99.

Ahmeti është një nga themeluesit e Ushtrisë Çlirimtare të Kosovës (UÇK) dhe ish-anëtar i Shtabit të Përgjithshëm. Ndaj tij nuk ka pasur akuza konkrete, ndërsa më herët pati deklaruar se është i gatshëm të dëshmojë për luftën e pastër të UÇK-së./Tpz

OPINIONE

INTERVISTA