Shqiperia

Ilir Meta shkruan katolikisht: falenderon Papen per Majka Terezen dhe 38 “martiret” katolik

Me rastin e 1-vjetorit të shenjtërimit të Nënë Terezës, shtetases maqedone qe punoi per Vatikanin ne Indi, presidenti nga Skrapai Ilir Meta i ka dërguar një mesazh Papes se Romes.

Duke thyer laicitetin e shtetit Meta falenderon Papen qe ka “shenjteruar” maqedonasen Majka Tereza, dhe qe ka lumturuar 38 katolike qe bashkepunuan me nazizmin, fashizmin dhe Serbine. Ne mesazhin e tij, Meta nuk shfaq asnje shenje pendimi per banditerine e tij te kaluar, skandalin me Dritan Priftin dhe aferat e tjera korruptive. Meta mundohet te hiqet si nje president katolik, edhe pse vete eshte katundar bektashi.

MESAZHI I PLOTË

“Shenjtëria Juaj,

Me rastin e njëvjetorit të shenjtërimit të Nënë Terezës së Kalkutës kam kënaqësinë dhe privilegjin e veçantë t’ju shpreh mirënjohjen e sinqertë, në emër të popullit shqiptar, për lartësimin mbarëbotëror të simbolit më domethënës shpirtëror të kombit tonë.

Duke përfituar nga rasti, më lejoni të riktheksoj falënderimet e thella për vëmendjen Tuaj të pandërprerë që u keni kushtuar dhe vazhdoni të tregoni për marrëdhëniet historike e tradicionale si dhe lidhjet e rralla të Selisë së Shenjtë me Shqipërinë dhe shqiptarët.

Shpallja e Nënë Terezës nga ana Juaj si Shenjtore gjatë ceremonisë madhështore në Vatikan, emërimi i At Ernest Troshanit si Kardinal dhe lumturimi i 38 Martirëve të Kishës Katolike shqiptare shënuan disa nga ngjarjet më mbresëlënëse për besimtarët katolikë dhe mbarë kombin shqiptar gjatë vitit të kaluar, duke ilustruar më së miri vëmendjen dhe lidhjen tuaj të veçantë me vendin e shqiponjave.

Ju siguroj Ati i Shenjtë se këto ngjarje historike, sidomos shenjtërimi i Nënës sonë të përbashkët, Shenjtores Tereza të Kalkutës, i gëzuan pamasë shqiptarët anembanë botës, duke i bërë ata më krenarë se kurrë, si dhe duke farkëtuar akoma edhe më tepër lidhjet institucionale dhe shpirtërore mes Shqipërisë dhe Selisë së Shenjtë.

Duke ju uruar jetë të gjatë dhe shëndet, ju lutem, pranoni Shenjtëria Juaj, shprehjen e konsideratës sime më të lartë! Sinqerisht, Ilir Meta”

OPINIONE