Irani merr avione trajnues Yak-130 nga Rusia

Forcat ajrore iraniane kanë marrë disa avionë rusë trajnues për të “përmirësuar aftësitë luftarake dhe trajnimin”, njoftuan sot mediat lokale.

Sipas agjencisë së lajmeve Tasnim, “një numër avionësh trajnimi Yak-130” u dorëzuan në Teheran dhe janë tashmë në bazën ajrore Shahid Babai në Isfahan, raportojnë mediat e huaja.

Agjencia, duke cituar shërbimin e marrëdhënieve me publikun e ushtrisë, shtoi se dorëzimi i këtyre avionëve është bërë në kuadrin e “kontratave të armëve midis Republikës Islamike dhe Federatës Ruse”.

Rusia dhe Irani janë subjekt i sanksioneve ndërkombëtare që kufizojnë tregtinë. Vitin e kaluar ata nënshkruan një sërë marrëveshjesh në shumë fusha, duke përfshirë bashkëpunimin ushtarak.

Avioni mund të përdoret gjithashtu si avion zbulues dhe sulmues, e ka një shpejtësi maksimale prej 648 miljesh në orë dhe një rreze luftarake prej 345 miljesh.

Në muajin mars, Irani njoftoi se kishte rënë dakord të blinte avionë luftarakë Sukhoi-35 nga Rusia. /S.S/Shqiptarja

NDANI KËTË POSTIM

Mund tju interesojne