Izraeli synon të miratojë mijëra njësi vendbanimesh kolone në Bregun Perëndimor të okupuar dhe Kudsin Lindor përpara inaugurimit të presidentit të sapozgjedhur të SHBA-së Joe Biden në janar, sipas mediave lokale.
Kanali izraelit KAN tha se Këshilli i Lartë Izraelit i Planifikimit dhe Ndërtimit, një organ zyrtar izraelit që mbikëqyr ndërtimin e vendbanimeve, do të mblidhet në dy javët e ardhshme për të miratuar ndërtimin e mijëra njësive të vendbanimeve në territorin e okupuar.
Kanali tha që planet janë tashmë të gatshme por kërkojnë miratim nga këshilli, duke shtuar se autoritetet izraelite synojnë të miratojnë ndërtimin përpara mbërritjes së Biden-it në Shtëpinë e Bardhë në fund të janarit.
Grupi izraelit “Peace Now” tha se aktiviteti i vendbanimeve kolone është dyfishuar në territoret e okupuara palestineze në katër vitet e fundit gjatë mandatit të presidentit në ikje Donald Trump.
Ligji ndërkombëtar i sheh si Bregun Perëndimor, ashtu dhe Kudsin Lindor, si territore të okupuara dhe i konsideron të paligjshme të gjitha veprimtaritë e ndërtimit të vendbanimeve kolone hebreje atje./AA
