Klodian Shehi është kandidati i rradhës i Partisë Socialiste për Bashkinë e Kavajës.
Shehi është aktualisht nënkryetar i Bashkisë së Kavajës dhe siç duket nga pozicioni është mik i ish-kryetarit Elvis Roshi-
Klodian Shehi shfaqet si kandidati i dytë i zgjedhur nga PS-ja e Kavajës, pas dorëheqjes që dha një ditë më parë, Silvana Daja, bashkëshortja e një tjëtër miku të afërt të Rroshit, Gentian Dajës, kryetar i PS-së që u akuzua nga opozita si I përfshirë në trafik droge.
Ja deklarata e Silvana Dajës:
Miq, gjatë ditëve të fundit kam parë tymnajën e madhe të krijuar mbi kandidimin tim në pozicionin e Kryetares se Bashkisë së Kavajës, qyteti ku kam lindur, ku kam ndërtuar familjen dhe ku do kaloj jetën.
Pavarësisht se në jetën time nuk i kam bërë keq asnjë mize dhe do doja të jepja më të mirën nga vetja në këtë proces, zhurma e ngritur kaloi çdo imagjinatë dhe parashikim duke sulmuar bashkëshortin tim i cili për mua vlen më shumë se një karrige.
Ndaj, nisur nga molla e sherrit, që Kavaja e vogël por e bukur ka shkaktuar në politikën e madhe, me keqardhje dua të heq dorë nga ky kandidim dhe të tregoj tolerancën që më karakterizuar gjithë jetën me qëllim që asnjëherë mos jem bllokuese e fateve të askujt.
Një falenderim për gjithë qytetarët të cilët pavarësisht kohës së shkurtër, më kanë mbështetur dhe kanë qënë të gatshëm të bëjnë këtë udhëtim me mua. Gjithashtu falenderoj çdo socialist dhe socialiste që ka qënë përkrahës i emrit tim.
Zotohem se si qytetare do kontribuoj për kryetarin e rradhës sepse dua me shpirt që Kavajën ta shoh vetëm në ditë të mira.
Gazeta Impakt
