Eksportuesit shtetëror të armëve Ruse Rosoboronexport i është dhënë leje për ti shitur armë civilëve. Për më tepër, kërkesat për armë dhe pajisje ushtarake po rriten tek ekonomite në zhvillim, dhe kompania do të përqëndrohet në shitjen e pajisjeve që përdoren në luftën kundër terroristëve.
KLIMOVSK (rajoni i Moskes) — Rusia ka zgjeruar perspektivat e shitjes për eksportuesin e armëve shtetërore Rosoboronexport, i cili tani mund të eksportojnë armë dhe pajisje për civilët si dhe për ushtritë e huaja. Kompania shpreson të hyjë në tregje të reja, tha të mërkurën zëvendësdrejtori i përgjithshëm i Rosoboronexport Igor Sevastyanov.
“Me miratimin e ndryshimeve në ligjin federal Rus për armët 2017, Rosoboronexport mori të drejtën për tu eksportuar armë civile dhe shërbimeve … Këto ndryshime do të na lejojnë të zgjerojmë katallogun e porosive dhe të futemi në tregje të reja”, tha Sevastyanov në një takim të kompanisë me klubin e shtypit .
Rosoboronexport ka shitur armatime dhe pajisje ushtarake për përdorim nga forcat tokësore jashtë vendit me vlerë rreth 25 miliard dollarë që nga viti 2001; kërkesat po rriten në Azi, Afrikë dhe Amerikën Latine, tha të mërkurën për gazetarët zëvendësdrejtori i përgjithshëm Igor Sevastyanov.
“Që nga viti 2001, vëllimi i përgjithshëm i eksporteve të saj arriti në rreth 25 miliardë dollarë dhe sot po shohim një rritje të kërkesës në Azinë Juglindore , Azinë Qendrore, Afrikën Qendrore dhe Perëndimore dhe Amerikën Latine”, shtoi Sevastyanov.
Përveç kësaj, Rosoboronexport (pjesë e korporatës shtetërore Rostec) do të zgjerojë gamën e produkteve të eksportit, duke ofruar mallra që synojnë luftimin e terrorizmit, tha të mërkurën Yuri Kaptelkin, drejtor i zyrës së drejtorit të përgjithshëm të Rosoboronexport.
“Me qëllim të zhvillimit të një aspekti të ri të aktivitetit të veçantë eksportues, u formua një grup tematik i ndërmarrjeve të korporatës shtetërore Rostec, të cilat po prodhojnë produkte për te luftuar – terrorizmin. Zhvillimi po kryhet në bashkëpunim me ekspertët kundër terrorizmit dhe veprave penale nga të gjitha strukturat e sigurisë ruse: Ministria e Mbrojtjes, Ministria e Brendshme, Ministria e Emergjencave, Shërbimi Federal i Sigurisë dhe Gardës Kombëtare “, u tha gazetarëve Kaptelkin.
Produktet nën zhvillim gjithashtu përfshijnë pajisje për mbrojtjen e infrastrukturës dhe kufijve, si dhe për eliminimin e mjeteve ajrore pa pilot dhe sigurimin e sigurisë kibernetike.
“Në 2017-2018, ne do të kryejmë një ripozicionim të imazhit të Rosoboronexport … do kryejmë promovim të kompanisë në tregun e jashtëm për shërbimet e sigurisë si një shtytës i mëtejshëm i punës së kompanisë,” theksoi Kaptelkin.
Më 30 korrik, Presidenti rus Vladimir Putin nënshkroi Ligjin Federal mbi Ndryshimet e Ligjit Federal për Armët, i cili qartëson përkufizimet dhe procedurat e veçanta për importin dhe eksportin e armëve./ Gazeta Impakt
burimi:sputnik
