Mesazhi i sportistit australian Usman Khawaja në mbështetje për Palestinën në një ndeshje testuese kundër Indisë u ndalua të mërkurën nga Këshilli Ndërkombëtar i Kriketit (ICC).
Plani i sulmuesit musliman për të veshur këpucë që mbanin fjalët: “Të gjitha jetët janë të barabarta” dhe “Liria është një e drejtë njerëzore”, nuk u lejua sepse u konsiderua një “mesazh politik”. “Unë do të respektoj pikëpamjen dhe vendimin e Këshillit Ndërkombëtar të Kriketit, por do ta luftoj atë dhe do të kërkoj të fitoj miratimin”, tha 36-vjeçari Khawaja në një video në Instagram.
Cricket Australia vendosi të respektojë rregullat e ICC-së, pavarësisht se të mërkurën deklaroi mbështetje për “të drejtën e lojtarëve për të shprehur mendimet personale”. “Usman Khawaja është një atlet dhe australian i shkëlqyer. Ai duhet të ketë çdo të drejtë të flasë për çështje që janë të rëndësishme për të. Ai e ka bërë këtë në një mënyrë paqësore dhe me respekt”, tha Ministrja Australiane e Sportit, Anika Wells.
Izraeli filloi bombardimin e Rripit të Gazës nga ajri dhe nga toka, duke vendosur një rrethim të plotë dhe ka nisur një ofensivë tokësore si hakmarrje për sulmin ndërkufitar nga grupi palestinez Hamas më 7 tetor. Të paktën 18.608 palestinezë janë vrarë dhe 50.594 janë plagosur në sulmet izraelite, sipas autoriteteve shëndetësore të Gazës./AA
