Zëdhënësi i KFOR-it, Vincenco Graso ka deklaruar se presidenti i Kosovës, Hashim Thaçi ka të drejtë ta vizitoj çdo vend të Kosovë dhe nuk i nevojitet kurrfarë leje nga KFOR-i.
Këto deklarata zëdhënësi i KFOR-it i ka bërë për mediat duke komentuar vizitën e fundit të presidentit të Kosovës në liqenin e Ujmanit.
“Ne konfirmojmë se nuk ka pasur kurrfarë incidenti, kurrfarë arrestimi, kurrfarë operacioni ushtarak, apo sulmi ndaj ndokujt. Thaçi e ka vizituar atë pjesë dhe është shoqëruar nga ekipi mbrojtës i tij dhe nga Policia e Kosovës”- ka deklaruar Graso për portalin “Demostat”.
Burimi: BalkanWeb