“Ne duam Trump! Ne duam Trump!” dhe Presidenti i 47-të i SHBA-ve Donald Trump ngjitet në skenë për të shpallur fitoren dhe për t’iu drejtuar mbështetësve.
Në fjalët e tij të para, Trump deklaroi se do të rregullojmë çdo problem me të cilin përballet vendi ynë. Ai theksoi se është një fitore politike që vendi ynë nuk e ka parë kurrë më parë.
“Kjo është një lëvizje e jashtëzakonshme. Do të ndihmojmë vendin tonë që të shërohet. Do të rregullojmë çdo problem me të cilin përballet vendi jonë. Ne bëmë histori për një arsye dhe historia është piëkrisht kjo. Ne kaluam pengesat dhe ja ku jemi, një çmenduri e vërtetë. Është një fitore politike që vendi ynë nuk e ka parë kurrë më parë. Dua të falënderoj popullin amerikan që më zgjodhën si Presidenti i 47-të”, tha Trump.
Donald Trump në fjalimin e tij para mbështetësve në Florida tha se do të luftonte për familjen e Amerikanëve.
“Falenderoj amerikanët për nderin që më zgjodhën si presidentin e 47 dhe 45 gjithashtu. Do të luftoj për ju dhe familjet tuaja, për të ardhmen. Do të luftoj me ju me çdo mundësi që kam. Të kemi një Amerikë me presporitet që amerikanët meritojnë. Një epokë e jashtëzakonshme për Amerikën. Duke fituar shtetet kryesore, jemi në fitore edhe në Michigan Alaska etj që do të na lejojë 315 vota elektorale. Nuk kishte asnjë rrugë tjetër përveç fitores. Kemi fituar gjithashtu votën popullore që është madhështore”, tha ai./BW
