Që nga shtrimi i fibrave optike që kërkon çarjen e rrugëve e deri te mungesa e një studimi, këto janë ndër ato çështje për të cilat nuk flitet kur vjen puna te ndërtimi i korsive të biçikletave në Tiranë.
Një ndër ato nisma për të cilat kryebashkiaku Veliaj krenohet shumë, por që në të vërtetë ka dyshime se pas suksesit dhe progresit mbulojnë interesa të tjera. Në një material të përgatitur nga TemaTv vihet në dukje pikërisht ky aspekt, ndërkohë që duhet thënë se problemi më i prekshëm për qytetarët është shtimi i trafikut edhe gjatë fundjavës, apo edhe cenimi i bizneseve që janë anës rrugëve brenda unazës së vogël.
