Ministri i Jashtëm i Turqis, Hakan Fidan zhvilloi bisedë telefonike me sekretarin e Shtetit të SHBA-së, Antony Blinken.
Sipas informacioneve të marra nga burimet diplomatike, mësohet se Fidan në bisedën telefonike me homologun e tij Blinken diskutoi mbi zhvillimet e përjetuara midis Izraelit dhe Palestinës.
– Sfondi i ngjarjeve
Brigadat Izzeddin Kassam, krahu i armatosur i Hamasit njoftoi se mëngjesin e sotëm ka nisur kundër Izraelit sulm gjithëpërfshirës të emërtuar “Tufani i Aksa-së”. Nga Gaza në drejtim të Izraelit u lëshuan mijëra raketa ndërsa edhe grupet e armatosura hynë në vendbanimet në rajon.
Pas operacionit “Tufani i Aksa-së” edhe ushtria izraelite njoftoi se ka filluar sulm me dhjetëra avionë luftarakë ndaj Rripit të Gazës.
Ministria palestineze e shëndetësisë në Gaza, në një deklaratë njoftoi se në sulmet e Izraelit drejt Gazës kanë humbur jetën 232 persona dhe se janë plagosur 1.697 të tjerë.
Ndërsa Kanali 13 (Channel 13) me qendër në Izrael njoftoi se deri më tani në sulme kanë humbur jetën 300 izraelitë dhe se numri i të plagosurve në të gjithë vendin ka arritur mbi 1.100./AA
