“Kush nuk pëlqehet nga Rama, është i persekutuar”, Beleri flet për median greke nga burgu: Ligji në Shqipëri nuk funksionon, ka ‘gjueti shtrigash’ nga qeveria

Fredi Beleri ka folur nga burgu për mediat greke, duke thënë se mbahet në mënyrë të padrejtë në burg, me urdhër të Edi Ramës.

“Ligji në Shqipëri nuk funksionon. Në datën 4 dhjetor, pas 6 muajsh pengesë, do të ekzekutohet kërkesa ime në gjykatën speciale nëse do të betohem apo jo”, ka deklaruar Fredi Beleri nga burgu, për median greke Skai.

“Ligji është i qartë. Kur dikush nuk është dënuar dhe vendimi nuk ka marrë formë të prerë, ai mund të betohet. Për të njëjtën vepër jam në paraburgim, ndërsa dy kryetarë të tjerë janë në detyrë, ndërsa për dy rastet e tjera ka video dhe dëshmi. Një dëshmitar i vetëm ka pranuar se është financuar me 7000 euro, ndërsa drejtori i policisë së Himarës është rritur në detyrë”, theksoi Beleri.

“Opozita nuk mund të kryejë detyrat e saj në Parlament, ka një gjueti shtrigash nga qeveria. Kushdo që nuk pëlqehet nga Rama është i persekutuar në çdo kohë. Nuk ka barazi. Rama përshëndetet në vende të tjera dhe konsiderohet pro-evropian dhe modern, ndërkohë që 1 milion shqiptarë janë larguar nga vendi. Shumë media shqiptare mbështesin qëndrimin e Greqisë. Ata që mbështesin zotin Rama janë shumë të paktë dhe janë në shënjestër. Jam mirë, jam i pafajshëm, i prekur nga dashuria e qytetarëve dhe jo vetëm të himariotëve”, deklaroi Fredi Beleris./BW