Bota

Libani pret dështimin e “Marrëveshjes së Shekullit”

Ministri i Jashtëm i Libanit, Gebran Bassil ka parashikuar dështimin e të ashtuquajturës “Marrëveshja e Shekullit”, një plan i SHBA-ve për të arritur zgjidhje paqësore midis palestinezëve dhe Izraelit, transmeton Anadolu Agency (AA).

Marrëveshja e Shekullit “do të lind e vdekur”, tha Gebran Bassil në një intervistë për një televizion lokal libanez.

Ministri theksoi se nisma e paqes duhet të jetë “në përputhje me të drejtat që Izraeli duhet të rivendosë për Palestinën”.

Kushtet e planit të paqes të Washingtonit mbeten të paqarta. Por, sipas spekulimeve të fundit, refugjatëve palestinezë do t’u kërkohet të pranojnë të drejtën e tyre për t’u kthyer në Palestinën historike, nga e cila u dëbuan në vitin 1948 për të bërë rrugë për shtetin e ri të Izraelit.

Duke folur për riatdhesimin e refugjatëve sirianë në Liban, Bassil tha se kjo mund të arrihej me “zbatimin e ligjit libanez” dhe “marrëdhëniet me Sirinë”.

Ai i atribuoi praninë e vazhdueshme të refugjatëve sirianë në Liban për “paratë që marrin çdo muaj nga institucionet e OKB-së”.

Libani ka së paku 1.7 milionë refugjatë sirianë, rreth 27 për qind e të cilëve nuk kanë dokumente identiteti, sipas raportit vjetor të Rrjetit Sirian për të Drejtat e Njeriut, ndërsa OKB-ja vlerëson numrin si më pak se një milion./ AA

OPINIONE