Kreu i Ligës Arabe paralajmëroi të enjten se përpjekjet izraelite për të kontrolluar me forcë vendet fetare shumë të ndjeshme në Jeruzalem rrezikojnë të ndezin një “luftë fetare”.
Veprimet e Izraelit po “luhen me zjarrin dhe do të ndezin një luftë fetare dhe do e zhvendosin thelbin e konfliktit nga politika në fe”, tha shefi i Ligës Arabe, Ahmed Abul Gheit.
Ai po fliste në një takim urgjent të ministrave të jashtëm arabë në Kajro mbi dhunën e fundit në Jeruzalem.
“Ftoj shtetit okupues (Izraelin) që të marrë me kujdes nga kjo krizë mësimet dhe mesazhin që ajo mban,” tha Abul Gheit në një fjalim televiziv.
“Trajtimi i shkujdesshëm i vendeve të shenjta dhe me këtë nivel arrogance rrezikon seriozisht të ndezë një luftë fetare, pasi asnjë musliman i vetëm në botë nuk do ta pranonte përdhosjen e xhamisë së Aksasë (Jeruzalem)”, tha ai.
Protestat dhe trazirat vdekjeprurëse kanë shpërthyer në ditët kur Izraeli ka instaluar detektorë metalikë të rinj më 16 korrik jashtë hyrjes së kompleksit Haram al-Sharif, i njohur si Mali i Tempullit për hebrenjtë.
Lidhja Arabe “dënon fuqishëm planet dhe politikat e Izraelit që synojnë të judaizojnë qytetin e pushtuar të Jeruzalemit dhe të shtrembërojnë karakterin e saj arab dhe musliman”, thanë ministrat e jashtëm në deklaratën e tyre përfundimtare.
“Jeruzalemi Lindor është kryeqyteti i shtetit palestinez,” tha organizata, “duke shprehur refuzimin dhe dënimin e të gjitha masave nga forca okupuese për të pakësuar të drejtat palestineze të sovranitetit mbi të.”
Palestinezët e shohin masën si një përpjekje nga Izraeli për të ushtruar kontroll të mëtejshëm mbi vendin, ku strehohet xhamia e nderuar Al-Aksa dhe Kupola e Shkëmbit.
Policia izraelite dhe palestinezët u përleshën të enjten pasi mijëra adhurues muslimanë hynë në kompleks, duke i dhënë fund bojkotit pasi Izraeli hoqi masat e reja të sigurisë të instaluara pas një sulmi të 14 korrikut që la të vrarë dy policë. / © Gazeta Impakt
