Shqiperia

Masat ndaj COVID-19/ Gjuzi shpërthen ndaj Ramës: Qytetarët të dalin e mos e dëgjojnë, ai është frikacak

Në një lidhje direkte për emisionin “Shqipëria Live”, deputeti Kujtim Gjuzi ka dalë kundër masave të marra nga kryeminsitri Edi Rama.

Sipas tij, kryeministri ka shkelur ligin dhe se sipas tij, koronavirusi s’është gjë tjetër veçse një mashtrim.

Sipas Gjuzit, Rama është një frikaman dhe merakoset për shëndetin e tij, ndaj ka marrë edhe masa kaq të shtrënguara.

“Unë dua të them se kryeministri Rama ka shkelur ligjin për 44 ditë, sepse e ka vendosur vendin në një karantinë të jashtëligjshme. Ai mendon se është babai i kombit, por nuk është. Ai ta ketë të qartë se nuk mund të ketë koronavirus vetëm në ato fasha orare, që ka vënë ai. Shqipëria ka 365 ditë me diell, atje ku hyn dielli, s’ka virus. U bëj thirrje qytetarëve të mos e dëgjojnë dhe të dalin, sepse s’ka koronavirus me orare. Kryeministri është një frikaman, uroj të jetë mirë, ka frikën e vet dhe e futi një qytetërim social në kaos. Kjo (koronavirusi) është një mashtrim dhe e thonë mjekë të njohur”, tha ndër të tjera Gjuzi. /SYRI

OPINIONE