Daniella Weiss, themeluese e organizatës radikale të vendbanimeve Nachala, është nominuar për Çmimin Nobel për Paqe 2025 nga dy akademikë izraelitë.
Profesorët Amos Azaria nga Universiteti Ariel dhe Shalom Sadik nga Universiteti Ben-Gurion i dërguan një letër Komitetit të Nobelit, duke pretenduar se përpjekjet shumëvjeçare të Weiss “kanë promovuar stabilitetin” në territoret palestineze të pushtuara.
Ata argumentuan se, ndërsa numri i viktimave izraelite dhe dhjetëra mijëra palestinezëve të vrarë në Rripin e Gazës është i lartë, humbjet e jetëve në Bregun Perëndimor kanë qenë “ndjeshëm më të ulëta” për shkak të rolit të Weiss në parandalimin e përplasjeve dhe konflikteve në shkallë të gjerë.
Kolonët izraelitë, të mbrojtur nga trupat e okupimit, sulmojnë fshatrat palestineze
Kolonët izraelitë, të mbështetur nga ushtria izraelite, kanë sulmuar disa fshatra palestineze në Bregun Perëndimor të pushtuar, duke djegur shtëpi, ferma dhe automjete.
Akademikët izraelitë pretenduan se ndërtimi i vendbanimeve izraelite ka “parandaluar dhunën dhe ka rritur sigurinë.”
“Aktivitetet e Weiss kanë forcuar sigurinë dhe stabilitetin, duke ndihmuar në reduktimin e gjakderdhjes në rajon,” shkruhet në letrën e tyre.
Weiss, 79 vjeç, udhëheq organizatën radikale Nachala, e cila bën thirrje për aneksimin e plotë të Rripit të Gazës dhe Bregut Perëndimor. Ajo ka qenë gjithashtu ish-kryetare e vendbanimit izraelit Kedumim në Bregun Perëndimor.
Gjuha provokuese e Weiss kundër palestinezëve ka nxitur sulme të dhunshme nga kolonët.
OKB: Ekspansioni i vendbanimeve izraelite shkel ligjin ndërkombëtar
Zyra për të Drejtat e Njeriut e OKB-së e ka cilësuar si “alarmuese” zgjerimin e fundit të vendbanimeve izraelite dhe ndryshimet ligjore në Bregun Perëndimor të pushtuar.
Komuniteti ndërkombëtar e konsideron ndërtimin e vendbanimeve izraelite si të paligjshme sipas ligjit ndërkombëtar dhe Konventave të Gjenevës, pasi ndodhen në territore të pushtuara.
Këshilli i Sigurimit i OKB-së ka dënuar aktivitetet e vendbanimeve izraelite përmes disa rezolutave.
Në total, 338 kandidatë janë nominuar për Çmimin Nobel për Paqe 2025, nga të cilët 244 janë individë dhe 94 janë organizata.
Fituesit do të shpallen në tetor, ndërsa ceremonia e ndarjes së çmimeve do të mbahet më 10 dhjetor në Oslo, Norvegji. /PressTV/GazetaImpakt
