Sociale

Ministria e Financave konfirmon marrëveshjen: Naftëtarët do të marrin pagë në dorë 40 mijë lekë për 12 muaj bashkë me sigurimet shoqërore e shëndetësore

Ministria e Financave dhe Ekonomisë bëri të ditur se, qeveria ka vendosur të ndihmojë me 580.2 milionë lekë 870 naftëtarët e Ballshit, pasi këta të fundit mbyllën grevën disa javore dhe pranuan të hynin në diskutime me Kryeministrin Edi Rama, Kryetarin e Kuvendit Gramoz Ruçi dhe Ministren e Financave dhe Ekonomisë, Anila Denaj.

Ministria shprehet se duke marrë për bazë paketat financiare përgjatë pandemisë, me pagën prej 40 mijë lekësh, si dhe duke marrë për bazë fondin e pagave, qeveria ka vendosur të japë çdo naftëtari një pagesë mujore në dorë prej 40 mijë lekësh, duke i mbajtur në çdo rast në skemën e sigurimeve shoqërore.

Sipas njoftimit, çdo naftëtar do të mund të çojë në shtëpi 40 mijë në muaj dhe do ti paguhen sigurimet shoqërore dhe shëndetësore.

Në njoftim, thuhet se qeveria është e angazhuar për gjetjen sa më parë të një investitori për rafinerinë dhe rifillimin e punës të naftëtarëve.

 

Bëhet me dije se fondi do të mbulojë një pagë mujore për naftëtarët për një periudhë 12 mujore./BW

OPINIONE

INTERVISTA