Në 28 vjetorin e rihapjes së xhamisë së Plumbit myftinia Shkodër zgjodhi që të inaugurojë ndërtimin e një xhamie të re tek ura e vjetër e Bunës.
E ndërtuar rrëzë urës së vjetër të Bunës, mbi truallin vakëf ku për shekuj ka qëndruar një tjetër xhami e shkatërruar nga regjimi komunist, sot ngrihet një xhami e bardhë, e ndërtuar me gurë të sjellë enkas nga Berati.
Në këtë ceremoni myftiu i Shkodrës imam Muhamed Sytari tha se Shkodra ndodhet në një mjegullnajë si shkak i krimit dhe fenomeneve të tjera negative.
Myftiu i Shkodrës risolli në vëmendje dëmin e madh që bëri sistemi monist ndaj muslimanëve dhe objekteve të kultit.
I pranishëm në inaugurimin e xhamisë së re tek ura e Bunës ishte edhe kreu i Komunitetit Musliman të Shqipërisë Skënder Bruçaj.
Xhamia e re tek ura e vjetër e Bunës u ndërtua me kontributin e Gani Kryeziut, një biznesmen në Shkodër si dhe një prej organizatorëve në rihapjen e xhamisë së Plumbit në Shkodër në 16 nëntorin e 1990.
[youtube https://www.youtube.com/watch?v=c1LAq8Xq448?version=3&rel=1&fs=1&autohide=2&showsearch=0&showinfo=1&iv_load_policy=1&wmode=transparent]