Kryeministri izraelit, Benjamin Netanyahu, ka dënuar marrëveshjen ndërkombëtare për programin bërthamor me Iranin, duke theksuar se marrëveshja inkurajoi Teheranin që të bëhet “gjithnjë më agresiv në rajon”.
Netanyahu, në Konferencën e Sigurisë në Mynih theksoi se marrëveshja “liroi tigrin e rrezikshëm iranian në rajon dhe më gjerë”.
I njohur për kritikat ndaj marrëveshjes që në vitin 2015 që Irani e nënshkroi me fuqitë botërore, Netanyahu marrëveshjen e krahasoi me Marrëveshjen e Mynihut të vitit 1938, që fuqitë perëndimore e arritën me Adolf Hitler.
“Koncesioni vetëm inkurajoi regjimin nazist. Në vend që të zgjedhin rrugën e cila mund të parandalonte luftën, ata liderë e bënë luftën të pashmangshme dhe shumë të shtrenjtë”, tha Netahyahu.
Ai tha se droni, për të cilin pretendon të jetë iranian, javën e kaluar shkeli hapësirën ajrore izraelite dhe se me rrëzimin e tij, Izraeli i tregoi Iranit se nuk duhet të provojnë vendosmërinë e tyre.
Netanyahu deklaroi se nëse duhet, Izraeli do të veprojë kundër Iranit, jo vetëm kundër aleatëve të tij në Lindjen e Mesme.
“Izraeli nuk do të lejojë që regjimi iranian të vërë litar terrori rreth qafës së tij”, tha Netanyahu.
Teherani zyrtar mohoi pretendimet se mjeti ajror pa pilot është i tyre. (AA)