Sekretari amerikan i Shtetit, Marco Rubio, vizitoi Jerusalemin pas Konferencës së Sigurisë në Mynih, ku u takua me kryeministrin izraelit Benjamin Netanyahu. Në konferencën e përbashkët për shtyp, Netanyahu lavdëroi ish-presidentin amerikan Donald Trump, duke e quajtur “mikun më të madh që Izraeli ka pasur ndonjëherë në Shtëpinë e Bardhë”, dhe theksoi se dy vendet ndajnë të njëjtën strategji për Gazën.
Ndërsa Netanyahu flet për “strategji”, sulmet izraelite në Gaza kanë shkaktuar qindra viktima mes civilëve, përfshirë gra dhe fëmijë, duke nxitur zemërim global dhe akuza për krime lufte. Shkatërrimi masiv i infrastrukturës dhe bllokada e ndihmave humanitare po e kthen Gazën në një zonë katastrofe, ndërsa qeveria e Netanyahu-t vazhdon me politikat e saj të ashpra dhe të kritikuara ndërkombëtarisht.
Netanyahu sulmoi edhe Asamblenë e Përgjithshme të OKB-së, duke e quajtur “anti-amerikane dhe anti-izraelite”, dhe akuzoi Gjykatën Penale Ndërkombëtare (ICC) për shpifje, ndërkohë që kjo e fundit ka hapur hetime për krime të mundshme lufte nga Izraeli në territoret palestineze.
Ndërsa Netanyahu dhe mbështetësit e tij vazhdojnë të mbrojnë veprimet ushtarake, bota po dëshmon vuajtjet e pashpjegueshme të mijëra palestinezëve të pafajshëm, që mbeten të bllokuar mes sulmeve dhe një të ardhmeje të pasigurt./gazetaimpakt
