Lulzim Basha ka dalë në një konferencë për shtyp, pas përfundimit të pushimeve dhe nisjes së sesionit të ri Parlamentar. Mbrapa shpinës së tij, vijon të shfaqet logo e Partisë Demokratike edhe pse tashmë e ka humbur vulën. 

Basha i’u rikthye propozimit për vetingun e politikanëve, propozim që ka vite që e bën dhe nuk i’a merr njeri parasysh.

Ai foli gjithashtu edhe për intrigat brenda PD dhe tha se ka njerëz që po presin vdekjen e Sali Berishës që të marrin partinë. “Ky nuk është debat politik, por debat për karrige. Kjo është edhe arsyeja e divorcit. Ne betejën e nisëm për ndryshim, jo për karrige.

Vazhdon sindroma e karrigeve. Do të përforcohet edhe më shumë. Sepse ajo që sot quhet PD është e ndarë në dy grupe, Sali Berisha me ata që i shkojë nga pas për të mbrojtur familjen e vet, ndërsa grupi tjetër e kanë nisur për karrige dhe për karrige po vazhdojnë.

Natën pasi vërshon uiski, ngrenë dolli për fundin politik dhe biologjik të Sali Berishës, dhe në mendjen e tyre e shohin veten në radhë për suksesion dhe ditën bëjnë gjeste servilizmi për t’i demonstruar besnikëri në funksion të karriges”, tha ndër të tjera Basha. /Tpz