Edhe këtë pasdite, qytetarë dhe aktivistë të Lëvizjes Bashkë kanë protestuar kundër ndërtimit të kullës 60 kate në territorin e një lulishteje pas TKOB.
Ata akuzojnë qeverinë, bashkinë dhe opozitën për përfshirjen në këtë projekt që i merr kryeqytetit një tjetër hapësirë të gjelbër dukle ndërtuar në mes të Tiranës një tjetër ‘përbindësh’.
Leja e ndërtimit për këtë projekt qindra milionë euro është miratuar në mars të këtij viti, por vetëm në “përgjumjen” e gushtit kur njerëzit janë kryesisht me pushime dhe vëmendja publike është e ulur, u vendos që të nisnin punimet për këtë objekt tjetër që i merr frymën qendrës së Tiranës./tpz
