Pretendohet se Kryeministri i Izraelit, Benjamin Netanyahu ka urdhëruar vrasjen e Beha Ebul Ata, njëri prej komandantëve të Kudus Seriye, që është krahu ushtarak i Xhihadit Islamik, për ta shpëtuar veten.
Sipas lajmit të publikuar në gazetën “Times of Israel”, Ofer Kassif, deputeti me origjinë hebreje i Bllokut të Listës së Përbashkët Arabe, që përbëhet nga partitë politike përfaqësuese të palestinezëve qytetarë të Izraelit, në një postim të bërë në llogarinë e tij në media sociale Twitter akuzoi Kryeministrin Netanyahu për urdhrin për vrasjen e Ebul Atas.
Kasif në mesazhin e tij thotë: “Gjëja më e mirë që bën Netanyahu për ta shpëtuar vetën është vrasja, shkatërrimi dhe provokimi i luftës”.
Edhe gazetari i “Times of Israel”, Raoul Wootliff në një postim të bërë në lidhje me vrasjen e Ebul Atas në llogarinë e tij në Twitter ka thënë se “Bibi (Netanyahu) mund të mbetet kryeministër”.
Kryeministri Netanyahu ka humbur në zgjedhjet e përgjithshme të mbajtur më 17 shtator ndërsa partia e tij “Likud” doli e dyta.
Edhe pse ka humbur në zgjedhje Netanyahu krahas mbështetjes së Partisë Likud dhe të 3 partive të djathta arriti të hyjë në Parlament dhe më 25 shtator i emërua nga Presidenti Reuven Rivlin për të formuar qeverinë.
Ai gjatë kohës së paraparë nuk arriti të formojë qeverinë dhe i ktheu Presidentit Rivlin mandatin.
Ebul Ata humbi jetën në sulmin ndaj shtëpisë së tij në Rripin e Gazës të kryer nga ushtria izraelite./trt
