Sociale

Protesta/ “Babi i Turit është shofer autobusi”, punonjësit e transportit publik parullë si maturantët

Shoqata e Transportit Publik Qytetas dhe Ndërqytetas kanë protestuar sot para Ministrisë së Ministrisë së Infrastrukturës dhe Energjisë, ku kërkojnë hapjen e plotë të punës në kushtet e situatës së pandemisë, ndërsa nuk pranojnë “pagën e luftës” nëse kërkesa e tyre kryesore nuk merret parasysh.

Por ajo që spikati në protestën e tyre ishte përfshirja e “Turit” personazhit që trazoi mendjet dhe mundin e maturantëve këtë vit e u kthye në meme, ironi e tallje por edhe parrullën e tyre kryesore të protestës.

Ndërsa parulla më e famshme e maturantëve ishte “Çfarë bëri Turi se na iku truri” për të treguar absurditetin dhe pakorrektësinë e alternativave që duhet të zgjidhnin, edhe shoferët e transportit publik e përdorën këtë personazh.

Në parrullat e tyre mund të lexoje: “Edhe Turi le ta di, pa transport nuk ka qetësi”, apo “Babi i Turit është shofer autobusi”, “A do bëhet turi shofer autobusi?!” “Edhe Turi e do transportin publik”./tpz

OPINIONE

INTERVISTA