Bota

Qeveria e Britanisë së Madhe censuron dokumentet mbi lidhjet e kaluara ushtarake me Arabinë Saudite

Qeveria e Mbretërisë së Bashkuar ka bllokuar publikimin e rreth 1,000 dokumenteve që detajojnë të dhëna të ndjeshme në lidhje me marrëveshjet ushtarake të kaluara të vendit me Arabinë Saudite.

Dosjet e censuruara nga 1986 dhe 1987 përfshijnë të paktën 15 dokumente që diskutojnë drejtpërsëdrejti me Arabinë Saudite dhe përfshijnë detaje mbi “shitjen e aeroplanëve Tornado dhe Hawk” dhe “trajnim për forcat speciale arabe”, raportoi The Times të enjten. Londra gjithashtu ka refuzuar të publikojë 27 dokumente shtesë lidhur me vizitën e Princit Charles dhe Zonjës Diana në Lindjen e Mesme në vitin 1986. Normalisht, qeverisë u kërkohet të deklasifikojë të gjitha dokumentet që mbahen në departamente të ndryshme pas 30 vjetësh dhe t’i kalojnë ato në arkivat kombëtare në Kew. Megjithatë, departamentet mund të kërkojnë që një dokument specifik të mbrohet ose reduktohet. Këshilli Këshillimor mbi Regjistrimet Kombëtare dhe Arkivat, i cili rregullon këto kërkesa, tha në raportin e tij vjetor se kërkesat ishin në rritje, që do të thotë se më shumë dokumente po mohoheshin. Në vitin 2015-2016, për shembull, këshilli ka marrë gjithsej 952 kërkesa censurimi dhe ka refuzuar vetëm katër prej tyre. Në vitin 2014, 793 kërkesa erdhën ndërsa vetëm tre ishin hedhur poshtë. Në 2016, të dy shifrat u rritën ndërsa 22 kërkesa nga 986 u përmbysën. “Ky raport sugjeron se ka ende një kulturë të errësirës brenda shumë departamenteve qeveritare”, tha Robert Barrington, drejtor ekzekutiv i ‘Transparency International UK’. “Mungesa e zbulimit shpesh mund të çojë në shqetësime se qeveria ka diçka për të fshehur dhe për këtë arsye transparenca është masa më e mirë për të siguruar besimin e publikut”, shtoi ai. Zyra e brendshme e Britanisë së Madhe ka qenë gjithashtu nën presion për të publikuar gjetjet “shumë të ndjeshme” të një hetimi në Arabinë Saudite dhe financimin e saj prë grupet ekstremiste që veprojnë në Mbretërinë e Bashkuar. Hetimi u autorizua më 2015 nga ish-kryeministri britanik, David Cameron, në këmbim të mbështetjes së liberal demokratit për zgjerimin e sulmeve ajrore në Mbretërinë e Bashkuar kundër pozicioneve të dyshuara terroriste në Siri.

Arabia Saudite ka goditur vazhdimisht Jemenin që nga marsi i vitit 2015. Britania e Madhe ka siguruar regjimin e Riadit me armë dhe inteligjencë në luftën e pa provokuar. Gjykata supreme e Anglisë veprimin e Londrës për shitjen e armëve Arabisë Saudite për përdorim në luftën e Jemenit e ka konsideruar të lejuar. Sipas kanalit televiziv BBC, Gjykata supreme e Anglisë ka vendosur për dosjen sekrete (!), duke lejuar shitjen e armëve Arabisë Saudite. Amnesty International ka thënë se vendimi i Gjykatës supreme të Anglisë që qeveria britanike ka të drejtë të vazhdojë autorizimin e furnizimeve me armë Arabisë Saudite është një goditje vdekjeprurëse për civilët jemenasë./PT

OPINIONE

INTERVISTA