Izraeli ka shfarrosur atë që e identifikoi vetëm si “një objektiv” mbi lartësitë e pushtuara të Golanit të enjten, disa orë pasi regjimi i Asadit e akuzoi atë për goditjen e një pozicioni ushtarak pranë aeroportit të Damaskut.
“Sistemi Patriot i Mbrojtjes Ajrore shfarrosi një objektiv mbi lartësitë e Golanit”, tha llogaria zyrtare e ushtrisë izraelite në Tëitter.
Një zëdhënëse ushtarake refuzoi të komentojë mbi raportet e medias izraelite se objekti ishte një avion i fuqishëm.
Agjensia siriane e lajmeve SANA tha më parë se disa raketa izraelite goditën pranë aeroportit të Damaskut në agim.
Izraeli nuk ka konfirmuar apo mohuar sulmin e raportuar të Damaskut.
Por ministri i inteligjencës Yisrael Katz tha se ishte në përputhje me politikën e Izraelit që të parandalonte transferimin e armëve drejt Hizbollahut, ndërkohë që ndaloi pak për të konfirmuar që vendi i tij ishte pas incidentit.
“Ne po veprojmë për të parandaluar transferimin e armëve të sofistikuara nga Siria drejt Hizbollahut në Liban nga Irani”, tha Katz për radion e ushtrisë.
“Kur marrim informacion serioz për synimin për të transferuar armë në Hizbollah, ne do të veprojmë. Ky incident është tërësisht në përputhje me këtë politikë”.
Izraeli ka kryer sulme të shumta ajrore në Siri që nga shpërthimi i luftës civile të atij vendi në vitin 2011, shumica e të cilave thuhet se kanë pasur në shënjestër konvojet e armëve ose depot e Hizbollahut, armiku libanez, që është një mbështetës kryesor i regjimit sirian. / © Gazeta Impakt
