Bota

Rojet detare greke hapin zjarr kundër anijeve turke në Egje

Rojet bregdetare greke hapën zjarr paralajmërues kundër një anijeje turke mallrash në Detin Egje jashtë brigjeve të ishullit të Rodosit të hënën.

Anija e ngarkesës me emrin M / V ACT po transportonte shufra hekuri nga porti jugor i İskenderunit deri në Izmir në veriperëndim, kur roja bregdetare greke i bëri thirrje anijes që të devijonte kursin e saj drejt Rodosit, raportoi Deniz Haber Ajansı me bazë në Turqi.

Anija po lundronte në ujërat ndërkombëtare dhe kapiteni i saj u përgjigj se nuk do ta ndiqte këtë direktivë, duke informuar rojet bregdetare turke për incidentin dhe duke ndryshuar kursin e anijes drejt ujërave territoriale turke.

Kur anija nuk u pajtua, roja bregdetare greke hapi zjarr në ajër, pastaj mbi anije. Dy anije të tjera të rojes bregdetare arritën në zonë nga ishulli i afërt i Simit.

Dy anije turke bregdetare u dërguan në këtë zonë dhe anija u dërgua së pari në ujrat territoriale turke, më vonë u çua në portin e qytetit turistik jugperëndimor të Marmarisit.

Source: MarineTraffic.com
Kapiteni i anijes Haluk Sami Kalkavan tha se ka të paktën 16 shenja plumbash në anije dhe ekuipazhi ishte i padëmtuar, megjithë rrezikun e madh.

“Ndërsa ishim duke udhëtuar rreth tre milje larg bregut të Rodosit, roja bregdetare greke iu afrua anijes dhe na kërkoi të devijonim udhën tonë për në Rodos. Kur pyeta pse, ata thanë se do të kontrollonin anijen. Kur nuk e pranuam këtë, roja bregdetare greke filloi të na ndiqte dhe të na shqetësonte, dhe ne shmangëm rrugën tonë drejt brigjeve të Turqisë. Ata na kërkuan të ndalemi dhe filluan të thonim se do të hapnin zjarr, dhe e bënë atë që thanë,” tha Kalkavani për transmetuesin turk të CNN.

Kapiteni shtoi se kjo ishte një rrugë e rregullt që ata e përdorin gjatë gjithë kohës dhe nuk mund ta kuptonin reagimin e rojes bregdetare greke.

Në një deklaratë fillestare, Ministria e Jashtme e Turqisë tha se ministria është në kontakt me autoritetet përkatëse. / © Gazeta Impakt

OPINIONE