16 persona humbën jetën si pasojë e rrëzimit të një avioni gjatë uljes në aeroportin e qytetit Kerec në veriperëndim të kryeqytetit Teheran të Iranit.
Ushtria e Iranit bëri të ditur se në avion gjendeshin 16 persona dhe avioni i përkiste ushtrisë iraniane.
Sipas lajmit të televizionit shtetëror të Iranit, avioni i mallrave, tip Boeing-707, i ngritur nga kryeqyteti Bishkek i Kirgizisë për të shkuar në Kerec, u rrëzua teksa ishte duke u ulur në aeroportin Fetih të këtij qyteti.
Në vendngjarje u dërguan shumë policë dhe ekipe të ndihmës së parë.
Në punimet e kërkim shpëtimit pas aksidentit u gjetën trupat e pajetë të 16 personave.
Për shkak të aksidentit ra zjarr në disa shtëpi që ndodheshin afër vendngjarjes./ trt