Pas aksidentit ajror të muajit të kaluar në Rusi, ku humbën jetën 71 pasagjerë, kompanive ajrore ruse u është ndaluar përdorimi i avionëve të pasagjerëve AN-148.
Drejtori i agjencisë federale për komunikacion (Rostransnadzor), Viktor Basargin, për mediat ruse deklaroi se kompanive ajrore ruse u është dhënë urdhër që të mos përdorin avionë të llojit An-148, pasi një prej tyre u rrëzua muajin e kaluar.
Aviokompanisë “Saratov Airlines”, që i përkiste avionit që u rrëzua, u janë pezulluar fluturimet deri më 27 prill.
Në avionin që u rrëzua muajin e kaluar, jo shumë gjatë pas fluturimit nga aeroporti Domodedovo, në Moskë, gjendeshin 65 pasagjerë dhe gjashtë anëtarë të ekuipazhit. (AA)