Bota

Rusia: 23 diplomatët anglezë të largohen nga vendi brenda një jave

Rusia kërkoi nga 23 diplomatë anglezë të largohen brenda një jave nga vendi.

Sipas një komunikate me shkrim të bërë nga Ministria e Jashtme e Rusisë, për shkak të akuzave “provokative” të Anglisë ndaj Rusisë për helmimin e ish-agjentit rus, Sergey Skripal dhe vajzës së tij Yulia, Rusia shpalli “persona non grata” 23 diplomatë anglezë dhe vendosi ti dëbojë ata.

Në deklaratë, ku bëhet e ditur se nga diplomatët anglezë është kërkuar që brenda një jave të largohen nga vendi, gjithashtu u tha se është tërhequr vendimi për lejimin e hapjes së konsullatës angleze në St. Petersburg.

Në mes tjerash theksohet se Moska në bazë të reciprocitetit mbanë të drejtën për hedhjen edhe të hapave shtesë ndaj Londrës.

Qeveria e Anglisë si reagim ndaj helmimit të Skripal kishte marrë vendim për zbatimin e sanksioneve ndaj Rusisë dhe kishte deklaruar se në këtë kuadër do të dëbojë edhe 23 diplomatë rusë.

Anglia gjithashtu kishte vendosur të tërheq thirrjen e bërë ministrit të Jashtëm të Rusisë, Sergey Lavrov për të vizituar Anglinë dhe për mos marrje pjesë të parisë shtetërore dhe anëtarëve të familjes mbretërore angleze në evenimentin e Kupës Botërore që do të mbahet në Rusi./ trt

OPINIONE