Senati i SHBA-ve njëzëri ka votuar aprovimin e gjeneralit Charles Brown Jr. për shef të shtabit të Forcave Ajrore, me çka për herë të parë në historinë e SHBA-ve emërohet një afro-amerikan në këtë post të lartë të këshillit ushtarak.
Brown u emërua me mbështetje të 98 votave dhe asnjë kundër, përveç senatorëve Bob Casey dhe Ben Cardin të cilën nuk votuan.
Më parë, Brown ishte komandant i Forcave Ajrore të Paqësorit, pasuar nga një karrierë mbi tre dekada në Forcat Ajrore dhe udhëheqje të një skuadre luftarake si zëvendës komandant për Komandën Qendrore të SHBA-ve.
Me përfaqësues nga secila degë e shërbimit luftarak, shefat e përgjithshëm të shtabit, ku tani do të shërbejë Brown, në mënyrë kolektive këshillojnë presidentin për çështjet ushtarake, si dhe këshillat e sigurisë.
Brown lëshoi një video-mesazh në përgjigje të vdekjes së afro-amerikan George Floyd, i cili më 25 maj vdiq në Minnesota pasi një polic i bardhë mbajti gjurin e tij mbi qafën e viktimës për pothuajse 9 minuta duke injoruar lutjet e tij se nuk mund të merrte frymë.
Në video-mesazhin e publikuar në rrjetet sociale, Brown reflektoi mbi gjendjen e drejtësisë racore në Amerikë.
“Ja se çfarë mendoj unë… mendoj se sa jam i mbushur me emocion, jo vetëm për George Floyd-in, por për shumë afro-amerikanë që kanë pësuar të njëjtin fat si të George Floyd-it. Jam duke menduar për protestat në vendin tim, për tokën e ëmbël të lirisë, barazinë e shprehur në Deklaratën e Pavarësisë dhe Kushtetutën që unë jam betuar për jetën time se do ta mbështes. Jam duke menduar për një histori të çështjeve racore dhe për përvojat e mia që jo gjithmon thurnin lirinë dhe barazinë”, tha Brown në videon e cila u bë virale.
Video-mesazhi i tij është ri-postuar më shumë se 27 mijë herë./AA
