Drejtori i Departamentit të Komunikimeve të Presidencës së Turqisë, prof. dr. Fahrettin Altun ka reaguar ndaj postimit që ka bërë ambasada e Shteteve të Bashkuara të Amerikës (ShBA) në Ankara në llogarinë e saj në Twitter me rastin e Ditës Botërore të Lirisë se Shtypit.
“Ne do të vazhdojmë t’i nxisim Shtetet e Bashkuara të Amerikës që të heqin dorë nga të fshehurit pas lirisë së shtypit. Në vend që të tregojë me gisht vendet e tjera, Uashingtoni duhet të përqendrohet në problemet e veta që vazhdojnë për një kohë të gjatë si: varfëria ekstreme dhe diskriminimi racor”,- thotë Altun në deklaratën që ka bërë në llogarinë e tij në Twitter.
“Ne do të vazhdojmë ti bëjmë thirrje Turqisë të respektojë lirinë e shprehjes, garancinë për një proces të rregullt dhe të drejtë gjykimi dhe pavarësinë e gjyqësorit si dhe garantimin e këtyre të drejtave”,- kishte shkruar Ambasada amerikane në postimin e saj në Twitter./trt
We will continue to urge the United States to stop hiding behind press freedom.
Instead of pointing fingers at other nations, Washington must focus on addressing longstanding problems such as extreme poverty and racial discrimination. https://t.co/FlcrZfX1UC— Fahrettin Altun (@fahrettinaltun) May 3, 2019