Shqiperia

Situata politike në Shqipëri dhe Kosovë, Meta pret në Presidencë Hashim Thaçin

Presidenti Ilir Meta ka pritur sot në një takim ditën e sotme homologun e tij kosovar, Hashim Thaçi.

Presidenti Thaçi deklaroi dje në media se kishte ardhur në Shqipëri për një vizitë miqësore, për të takuar liderët politikë për shkak edhe të zhvillimeve të fundit politike në të dy vendet.

Kujtojmë se kjo është vizita e parë pas hapjes së kufirit mes dy vendeve, për shkak të pandemisë së COVID-19. Ndërkohë, të dy vendet, ndodhen në një klime të ‘nxehtë’ politike, Kosova për shkak të ndryshimeve që solli qeveria e re, Shqipëria për shkak të debateve për reformën zgjedhore./BW