Ditën e djeshme, Ministrja për Marrëdhëniet me Parlamentin dhe zëdhënësja e qeverisë, Elisa Spiropali, nëpërmjet një video-selfie, sulmoi opozitën dhe dy eksponentë të saj, Petrit Vasili dhe Luan Rama, me fjalor banal dhe etiketime të paimagjinueshme, për detyrën që ushtron.
Ja epitetet dhe fyerjet e përdorura nga Ministrja për Marrëdhëniet me Parlamentin ndaj dy eksponentëve të opozitës:
– Specie të hatashme të faunës opozitare.
– Nuk qepenosin dot zgavrën e gabuar që kanë në vend të gojës.
– Zvarranikë.
– Shembëlltyra e një ligësie që e ka shoqëruar në shekuj sojin më të ulët të politikanit shqiptar.
– Lëtyrat e tyre janë nisur drejt Italisë nëpërmjet ndonjë portali.
– Zvarranikë me pamje palo-burri.
– Neveri e përbuzje, për laron e për balon.
– Me lehjen e tyre të sotme treguan…
Ne e postuam këtë video të Spiropalit, që brenda 24 orëve, është komentuar nga mijëra qytetarë, të cilët e konsiderojnë të papranueshme gjuhën e ministres ndaj kolegëve të saj.
/TPZ.al/
